Energiarako Gizarte-Bonua, zailtasun ekonomikoak dituzten familientzat

Energia-hornidura zerbitzua eskuratzea ezinbestekoa da beharrizanik berebizikoenei erantzungo dien bizitza duina eduki ahal izateko. Hori horrela, dagoeneko badira neurriak pertsona kaltetuenen egoera larria arintzeko; horien artean dugu Energiarako Gizarte-Bonua.

Kontsumobidek jakinarazi duenez, Gizarte-Bonua ohiko etxebizitzako elektrizitatearen fakturari egiten zaion deskontua da. Araudian ezartzen diren baldintzak betetzen dituzten pertsona fisikoek eskuratu dezakete Bonua.

Gizarte-Bonua eskuratu ahal izateko, interesdun pertsonak inprimaki normalizatu bete eta nahitaezko dokumentazioarekin batera igorri beharko dio bere erreferentziako konpainiari. Inprimakia konpainiaren webgunean edota bulegoetan eskuratu ahalko da.

Gizarte-Bonuaren aplikazioa dela eta desadostasunik badago edo konpainiak bonuari uko egiten badio, titularrak erreklamazioa aurkeztu ahalko du Kontsumobiden edo bestelako kontsumo erakundeetan.

Informazio gehiago behar izanez gero, ikus ezazu triptiko hau.

Kontsumobidera (945 06 21 40 edo kontsumobide@kontsumobide.eus) edo Ermuko Gizarte Zerbitzuetara ere jo dezakezu informazio gehiago nahi izanez gero.