Haurrentzako I. Komiki Lehiaketak baditu garaileak

Guztira 28 lan aurkeztu dira Ermuko Udalak liburutegiaren bitartez antolatu duen haurrentzako Komiki Lehiaketaren lehenengo ediziora.

15 neskak eta 13 mutilek parte hartu dute lehian, euren lanik onenak aurkeztuz. Kike Infame eta Martin Azpilikueta komikietako adituek eta Udal liburutegiko langileek osatu dute epaimahaia, eta hiru kategorietarako irabazleak hautatu dituzte.

• Lehen Hezkuntzako 4. mailakoen kategorian, Eskolabarri ikastetxeko Ane Ceballos izan da garailea Esan agur kutsadurari lanarekin.
• Lehen Hezkuntzako 6. mailakoen artean, Ongarai Eskolako Eider Gonzalez gailendu da Komikia egiten lanaren eskutik.
• Bigarren Hezkuntzako 1. mailakoen atalean, San Pelaio Ikastetxeko Malen Losada eta Aroa Centeno ikasleen Moni y Loli lana izan da onena.

Irabazleek marrazketarako materiala lortu dute, euren sormena lantzen jarraitzeko, baita euren ikastetxeetarako komiki sorta ere. Zorionak!