Haurren loari eta haren ezaugarriei buruzko hitzaldia

Ermuko Udaleko Esku-hartze Sozioedukatibo eta Psikosozialeko Zerbitzuak (SISP) hitzaldi monografikoa antolatu du, "Haurren loa" izenburupean. Ekimena 0 eta 2 urte bitarteko seme-alabak dituzten familiei zuzenduta dago eta abenduaren 15ean, asteartean, egingo da. Osasun larrialdiagatik edukiera murriztu egin denez, bi saio eskainiko dira: bat goizez, 10:30etik 12:00etara, eta bestea arratsaldez, 17:30etik 19:00etara.

Hitzaldiak doakoak dira, baina izen-ematea egin beharko da izen-abizenak eta parte hartuko den saioa (goizez edo arratsaldez) adieraziz gurasotopagunea@gmail.com helbidean edo WhatsApp bidez 688 85 45 10 zenbakian.

Bertaratzen diren pertsonen segurtasuna bermatzeko, osasun-agintariek adierazitako higiene-neurriak hartuko dira.

• Kartela - Haurren Loa
• Izen-ematea - Haurren loa