'Txindurri' taldeak irekita dauka 2016an jaiotakoentzat matrikula

''Txindurri'' dantza- eta txistu-taldeak jakinarazi du ikasturte berrirako eta datorren hilaren 20ra arte irekita izango duela 2016. urtean jaiotakoek matrikula egiteko epea. Entseguak ostiraletan izango dira, eta aurreikusitako ordutegia bostak eta laurdenetatik seirak eta laurdenetara da.

Izena emateko WhatsApp mezua bidali 658741498 telefono zenbakira, umearen izen abizenak, adina eta harremanetarako telefono zenbakia adieraziz.

Izena emateko azken eguna irailaren 20a izango da.

Era berean, taldeak gogorarazi du neska-mutil nagusiagoek ere aukera dutela izena emateko eta dauden taldeetan sartzeko.