2021eko kultur ikuskizunak, Oscar Blancoren ikuspegitik

Oscar Blanco argazkilari ermuarrak, Udal Kultura Saileko eta web orri korporatibo honetako ohiko kolaboratzaileak, Ermua Antzokian 2021ean izan diren ikuskizunen argazki galeria aurkeztu du.

Guztira 25 argazkik osatzen dute Ermua Antzokia 2021 izeneko erakusketa, eta bertan, musikaren eta antzerkiaren munduko hainbat artista ikus ditzakegu: Eñaut Elorrieta, Nil Moliner, Olatz Salvador, Liher, Pirritx, Porrotx eta Marimotots, Aitziber Garmendia eta Jon Plazaola, besteak beste. Irudi bakoitza antzezlanaren izenburuarekin edo artista/taldearen izenarekin identifikatuta dago, baita ikuskizunaren datarekin ere.

Galeria otsailaren 13ra arte egongo da ikusgai, astelehenetik igandera, 18:00etatik 20:00etara, Lobiano Kultur Guneko erakusketa aretoan. Sarrera doakoa da.