Dena prest Ermuan 2022ko Inauteriak ospatzeko

Eguen Zurik emango die hasiera bihar, osteguna, Ermuko Inauteriei, 2020ko martxoan pandemia hasi zenetik ospatzen diren lehenengo jaiak. Covid-19aren aurreko murrizketa ia guztiak kendu ostean, jai-programak aire zabaleko ohiko ia jarduera guztiak biltzen ditu, aurreko edizioetan bezala. Datorren urtera arte bertan behera utzi den proposamen bakarra oilarraren proba da.

Oilarraren faltan, ostegunean 17:00etan DJ Xaiborrek haurrentzako diskoteka alaia eskainiko du Orbe Kardinala plazan.

Ostiralean, Hartza Eguna, kalejira egingo da herriko erdialdean, 18:30ean Lobiano Kultur Gunetik abiatuta.

Larunbatean, hilaren 26an, jaia 12:30ean hasiko da, koadrilen arteko lehiaketa-kalejirarekin, eta Irulitxa txaranga izango da bertan, eguerdian zein arratsaldean (19:00etan), lehiaketaren irabazleak iragarri aurretik. 17:30ean, txikienek herri txokolatada izango dute Azkona taldearen dantzaldiaren aurretik (18:00etan) eta haurrentzako mozorro lehiaketa 19:30ean. Eguna amaitzeko, Los 40 DJ festa izango da 23:00etatik aurrera.

Martxoaren 1ean, asteartea, haurrentzako diskoteka izango da plazan 16:00etan. Tiritirantes konpainiak Ulterior, bidaia kaleko antzerkia eskainiko du 18:00etan, eta Continente orkestrak erromeria girotuko du 19:00etatik aurrera. Jaiaren amaiera Oihan Vega DJaren eskutik etorriko da, 23:00etan.

Egitarau osoa, aurtengo kartel irabazlearekin ilustratua, jarraian duzue ikusgai.

• Inauterien Egitaraua 2022