Rollin' Black Dice taldearen kontzertua Lobianon

''Rollin'' Black Dice'' taldeak emanaldia emango du Ermuan asteburu honetan, udal kultura sailak antolaturiko Blues & Rock kontzertuen egitarauaren baitan. Emanaldia Lobiano Kultur Gunean izango da, larunbatean -azaroak 6- iluntzeko 8etatik aurrera. Sarrerak 10 euro balio du eta aldez aurretik eros dezakegu Lobianon, Kutxabank erakundearen webgunean edo bere orotariko kutxazain-sarean.

Laukotea Juanma Monterok (ahotsa eta gitarra) Luis Fuentek (gitarra, baxua eta ahotsa) Jose Funkok (gitarra, baxua eta ahotsa) eta Antonio Paxek (bateria) osatzen dute. Ingelesez abesten dute eta eszenaratze ikaragarri ona dute, taldekideek beste talde batzuetan duten esperientzia musikalak bermatzen baitu.

Lau musikari ezagun dira, musika beltzaren eszenako hainbat esparrutatik etorriak (Aurora and the Betrayers, Speak Low, The 44 Dealers, Lavacazul, Tres Mil Hombres, Frank T, Tonino Carotone, etab.), eta Ipar Amerikako musikaren tradizio osoa errotik hartzen duten jatorrizko konposizioetan oinarritutako proiektu baten zerbitzura jartzen dira. Ipar Amerikako sustraiko musikaren esentzia biltzen dute rock-and-roll talde baten ikuspegitik, beren soinuan musika beltzaren eragina oso agerikoa izanik.