Bederatzi proposamen zaporetsu XII. Kazolatxo Lehiaketarako

Lobiano Gastronomia Elkarteak Kazolatxo Lehiaketaren hamabigarren edizioa antolatu du. Gure udalerriko bederatzi establezimenduk parte hartuko dute txapelketa honetan, aho bete ur egiteko beste hainbeste proposamenekin. Ekimena gaur astelehena, martxoak 11, hasiko da eta plater berezi hauek igandera arte, hilak 17, dastatu ahal izango ditugu.

Parte hartuko duten ostalaritza-establezimenduak eta aurkeztuko dituzten proposamenak honako hauek dira:

Kazolatxoa	Taberna	Osagaiak
	El Rincón	Bakailaua, ganbak eta txangurroa
	Sagarra	Txahal-masaila, patata eta aza
	Zutabe	Txahal okela eta shiitake eta senderuela perretxikoak
	Kiska	Hirugiharra, kalabaza eta kokoa
	Giroa	Patata, bakailaua eta ozpin-olioa
	Amatxi	Bakailaua, piper txorizeroa eta perlak
	Mendiola	Itsas zapoa, otarrainxkak eta gochujang saltsa
	Txalaparta	Txerri-masaila, patata eta barazkia
	Urkaregi	Txahal-okela, porrua eta "ají amarillo"

Kazolatxoak establezimendu bakoitzaren ohiko ordutegian dastatu ahal izango dira, unitate bakoitzeko bi euroko prezio finkoarekin, parte hartzen duten taberna guztietan.

Ermuko Udalak, Laboral Kutxak, Euskitze Likor & Ardoak eta Familia Martinez Zabalak babesten dute lehiaketa, eta bi sari banatuko dira: Kazolatxo Onenaren Saria, 100 euro eskudirutan eta diploma bat, eta Kazolatxo Tradizional Onenaren Saria, KM0 irizpideei jarraiki, 50 euro eskudirutan eta diploma bat. Saritutako bi establezimenduek Familia Martinez Bujandaren ardo-sorta bat jasoko dute Euskitze zonako banatzailearen bitartez. Epaimahai profesionala establezimendu guztietatik igaroko da ostegunean.