Mugartea kolektiboaren pintura erakusketa

Mugartea pintura-taldeak ikasturte honetan zehar taldea osatzen duten pertsonek egin dituzten lanak erakutsiko ditu astelehen honetatik aurrera, hilak 17. Erakusketa Lobiano Kultur Guneko erakusketa aretoetan egongo da ikusgai, astelehenetik ostiralera, 18:00etatik 20:00etara, ekainaren 28ra arte.

Gaur, astelehena, inaugurazio ekitaldia izango da, 19:00etatik aurrera, eta sarrera librea da.

Gainera, erakusketa bisitatzen duten pertsona guztiek parte hartu ahal izango dute Mugartea kolektiboko pertsonek margotutako koadro baten zozketan. Horretarako, nahikoa izango da boto-papera uztea erakusketa-aretoko kutxan. Irabazlea ekainaren 28an, ostiralean, 20:00etan Lobianon egingo den zozketaren ondoren iragarriko da.