‘Sweet Marta & Johnny Big Stone’ bikotearen benetako bluesa Lobianon

"Sweet Marta eta Johnny Big Stone" bikoteak blues klasikoa akustikoan lantzen du eta generoaren maisu handien bertsioak egiten ditu. Larunbat honetan Lobiano Kulturgunean arituko dira 20:00etan. Sarrerek 10 euro balio dute eta Kutxabanken webgunean edo sarreran eros ditzakegu, emanaldiari hasiera eman artean.

Musikari katalan bikote hau Johnny Pedrazak (ahotsa eta gitarra), T-Bone Walkerren eragina eta "west coast" estiloa dituen instrumentista trebeak eta Marta Suñek (ahotsa eta harmonika) osatzen dute, Junior Wells bezalako bluesman handien teknika jarraitzen duen harmonista aparta, eta bere ahotsak, berriz, Big Mama Thorton bezalako dibak gogorarazten ditu.

Johnny Big Stone eta Sweet Marta blues eta amerikar musika tradizionaleko bikote akustikoa dira. Beren musikarekin egindako emanaldietan, XIX. mendearen amaierara eraman gintuzten, esklabo afroamerikarren abestiak egin eta gogora ekartzen baitzizkiguten. Haien ezaugarriak malenkonia-kutsua eta arazo sozial eta pertsonalei buruzko letrak ziren. Delta blues, Piedmont blues eta Old time country dira jorratzen dituzten estiloetako batzuk, besteak beste, Jazz Guillum, Reverend Gary Davis, Blind Lemon Jefferson eta Blind Blake interpretatuz.

Blues onenaz, benetakoaz, entzuteko eta gozatzeko aukera paregabea.