Toni Acosta eta Omar Ayuso aktoreek "El sonido oculto" antzezlana aurkeztuko dute

Ermua Antzokiak 2024ko kultur programazioko obra garrantzitsuenetako bat hartuko du ostiral honetan. El sonido oculto antzezlana da, Adam Rapp Pulitzer sariko finalistak idatzi eta Toni Acosta eta Omar Ayuso gazteak protagonista dituen ikuskizuna.

Thriller psikologiko liluragarri honek New Yorkeko publikoa eta kritika astindu ditu Broadwayn egindako egonaldian, eta bertan oinarrituta, Juan Carlos Rubio zuzendariak gure agertokietarako egokitzapen hau sortu du. Funtzio horretan ezer ez da ematen duena, eta fikzioaren eta errealitatearen arteko lerroa ia ikusezina da.

Julia Martín idazketa irakaslea da Salamancako Unibertsitate ospetsuan. Dostoyevskiren liburuen eta Gaztelako negu hotzaren artean, Hugo Barroso ezagutuko du, bere nobelarako inspirazio bila bisitatzen duen ikasle misteriotsua. Paradoxikoki, Hugok inspiratuko du Julia, honek ia pentsaezina den mesede bat eska diezaion. Juliak eta Hugok bakoitzak bere istorioa darama soinean: misterioa da ea nola amaitzen den dena. Juliak eta Hugok, Toni Acostak eta Omar Ayusok hezurmamituta, zentzua ematen ez dien bizitza bati ihes egiteko bide bakarra aurkituko dute literaturan. Obraren publikoa soinu ezkutura jotzera gonbidatuta dago, gure bakardadea bizi den leku misteriotsu eta deszifraezinetik hitz egiten digun soinu horretara.

• Obraren dossierra

El sonido oculto ostiralean, otsailak 16, taularatuko da 20:30etan Ermua Antzokian. Sarrerak 15 euroan daude salgai Lobiano Kultur Gunean, Kutxabanken webgunean eta, ikuskizuna hasi baino ordubete lehenagotik, Antzokiko leihatilan.