Txotxongilo ikuskizuna haurrentzat, ‘Liburuaren Mundu Egunean’

1616ko apirilaren 23an hil ziren Cervantes, Shakespeare eta Inca Garcilaso de la Vega. Apirilaren 23an beste idazle ospetsu batzukere jaio edo hil ziren, hala nola Vladimir Nabokov, Josep Pla edo Manuel Mejia Vallejo. Hori dela eta, literatura unibertsalerako hain sinbolikoa den data hori aukeratu zuen UNESCOren Konferentzia Orokorrak 1995ean, liburuari eta autoreei mundu mailako omenaldia egiteko.

Efemeride horren harira eta ezagutarazteko xedez, liburutegiak haurrentzako "Erreka Mari. Euskal Heriko azken lamia" txotxongiloen ikuskizuna eskainiko du 3 urtetik aurrerako adingabeentzat aproposa dena.

Erreka Marik, azken lamiak, Martinek eta berak ezberdinak izateagatik jasaten dituzten zailtasunak kontatzen dizkigu. Eta haurrek oso ondo ulertzen duten hizkuntzan hitz egiten du: maitasuna, ingurunearen zaintza eta besteekiko errespetua.

Ikuskizuna apirilaren 23an, ostegunean, izango da, arratsaldeko 17:30ean, liburutegiko atarian, sarrera doan.