Gaur egin da etxebizitzak zozkatzeko aurtengo azken ekitaldia

Aurrekoetan baino ikusle kopuru txikiago baten aurrean egin da gaurko goiz hotzean BOE motako etxebizitzen aurtengo azken zozketa ekitaldia. Gaurkoan udalak Izelaieta kalean, ‘Cuchillería del Norte’ enpresa ohiaren lursailean hain zuzen, udalak sustatuta eraikiko diren ‘28 etxebizitza zozkatu dira. Espero ziren etxebizitza kopurua baino bi gutxiago zozkatu dira, mugikortasun arazoak dituzten pertsonentzat erreserbatutako biak ez baitira zozkatu, etxebizitza mota hori eskatu dutenen zerrendarik ez zegoelako. Zozketa iragarri baino ordu laurden beranduago hasi da, hamabiak eta laurdenak pasa ondoren eta prozesua gauzatzeko, berriz ere, ‘bombos.com’ enpresako langileak kontratatu ditu udalak. Zozketa berrehun bat pertsonek zuzenean jarraitu dute, pista, harmaila, pasillo eta kafetegitik hain zuzen ere. Mahian herriko notarioa, Rafael Ortíz Montero, Carlos Totrika, alkatea, Felix Prol, hirigintza alorreko zinegotzia, eta Juan Carlos Abascal, PROMOSA sozietateko teknikaria egon dira. Halaber, PSE-EE-PSOE, PP eta IU-EB udal taldeetako hainbat zinegotzik ere zozketa jende artetik jarraitu dute.

Kanal honetan eskaintzen dugun behin-behineko emaitzen aurrerapen honetan, pertsonen izen-abizenak, etxebizitza bakoitzaren altuera eta metrajearen xehetasunak eta planoa jasotzen dira. Emaitzok hilabetez jendaurrera jarriko dira, interesdunek kontsulta eta alegazioak aurkez ditzaten. Epe hori bukatutakoak, emaitzak behin-betikotzat joko dira.