Emakumea Sustatzeko Zentroaren 50. urteurrenari buruzko erakusketarako materiala uzteko deia

20.01.25
Berdintasuna
Gizartea
Emakumearen Topaguneak urtarrilaren 22an, 23an, 28an eta 30ean jasoko du 11:00etatik 13:00etara

Emakumea Sustatzeko Zentroa ireki zenetik mende erdi baino gehiago igaro izanaren ospakizunak jarraipena izango du eta beste jarduera bat ere izango da, herri bazkari jendetsuaren eta "Cuando espabilamos! Ermuko Emakumea Sustatzeko Zentroaren historia iruditan" ikus-entzunezkoaren proiekzioaz gain. Bi jarduera horiek oso harrera ona izan zuten, eta ikasle ohiak berriz elkartzea ahalbidetu zuten. Ikasle horiek beren bizipenak gogoratu eta partekatu ahal izan zituzten jardunaldi hunkigarri batean.

Urteurreneko ospakizun eta jarduerei jarraiki, ikasle ohiek Ermuko Sustapen Zentroaren jarduera erakutsiko duen erakusketa bat antolatzea erabaki zuten. Horregatik, ikasleek garai hartatik gordeta dituzten edo zentroarekin zerikusia duten dokumentuak edo materialak lagatzeko deia egin dute: errezetak, ikasgelako ariketak, liburuak, argazkiak, patroiak, kartelak, eranskailuak, grabazioak eta abar. Utzitako material hori, ondoren bueltatu egingo da.

Erakusketa Lobiano Kulturgunean jarriko da eta martxoko lehen hamabostaldian bisitatu ahal izango da.

¡Cuando espabilamos! Ermuko Emakumea Sustatzeko Zentroaren historia iruditan" izenburuko dokumentalak, Ermuko Emakumearen Sustapenerako Zentroaren irakasle eta erabiltzaile izan zirenen testigantzak jasotzen ditu, ekimen hau ikusarazten du eta formakuntzarako, ahalduntzerako eta konpromiso sozialerako ekimena betikotzen du.

Lotutako albisteak

Imagen
25.02.26
Indarkeriarik gabeko eta errespetuan oinarritutako jaien aldeko udal manifestua

Ermuko Udalbatzak Osoko Bilkuran testua aho batez onartu zuen bart iluntzean
Imagen
23.02.26
Ermuak etxebizitzen birgaitzea, alokairua eta eraginkortasun energetikoa bultzatuko ditu eskualdeko bulego ibiltariaren bidez

Herritarrek aholkularitza izango asteartero 8:15etik 12:15era Abiapuntu bulegoan; aldez aurretik hitzordua eskatu behar da
Imagen
23.02.26
Ikas ezazu lurrinak eta kosmetika naturaleko produktuak egiten

Gazteria Arloak doako gazte tailerra antolatu du. Izena emateak martxoaren 4ra arte zabalik