‘Pero no se lo digas’ antzezlan barregarria gozagai Ermua Antzokian

Mic Produccionesek ‘Pero no se lo digas’ antzezlana aurkeztuko du Ermua Antzokian, Sara Escudero, Agustín Jiménez eta César Caminoren antzezleen partehartzearekin. "Pero no se lo digas" erritmo biziko ikuskizuna da, adimen gainezkakoa, esaldi bakoitzak algara bat sortzen du. Muntaia zorrotza, zentzugabea, barregarria eta, batez ere, komikotasunez eta freskotasunez betea, batzuetan lurtarra, eta beste batzuetan planetarioagoa. Sarrerak 15 euro balio du eta aldez aurretik eros dezakegu Lobiano Kulturgunean, Kutxabanken webgunean edo kutxazain-sarean.

Obra Ferrán Gonzálezena da eta Borja Rodríguezen gain dago zuzendaritza. Hiru interprete aski ezagunak antzezten dute: Agustín Jiménez, Sara Escudero eta César Camino.

Sinopsia

Laura eta Paco senar-emazteak dira, eta Ramon lagunaren bisita jasotzen dute afaltzeko. Paco limoi batzuk erostera jaisten den bitartean, Laura bere lagunarekin itotzen da aitorpenen (eta whiskyen) ilara amaigabe batean, begiak platerak bezala zabalaraziko dizkigutenak, bere argudioen absurdoa -eta batzuetan eldarnioa- ikusita. Errealitateak fikzioa gainditzen du. Paco dendatik itzultzen denean, gauzak ez dira hobetzen: Laura lurrean dago, konorterik gabe, eta Pacok emazteak esandako guztia benetakoa dela frogatzeko aukera izango du.