Udalbatza hileko Osoko bilkurara bilduko da bihar

Ermuko Udalbatza bihar, asteartea, hilak 29, bilduko da apirileko ohiko Osoko Bilkurarako. Saioa 19:00etan hasiko da Udaletxeko Osoko Bilkuren Aretoan eta ordu erdi geroago bigarren deialdian.

Zinegotziek hamar puntuz osatutako gai-zerrendari helduko diote. Lehenik eta behin, aztertu beharreko gaietan interesik duten jakinarazi beharko dute. Ondoren, aurreko Osoko Bilkuraren akta bozkatuko dute, martxoaren 25ekoa. Hirugarrenean, hileko alkatetza-dekretuen berri emango da. Laugarren puntuan, Pedro Gallego zinegotziaren ordezkaritzak ezeztatzen dituen Dekretuaren berri zehatza emango da.

Bosgarren eta seigarren puntuak hirigintza-gaiak izango dira; lehenengoan, Okin Zuriko Hiri Antolamenduko Plan Bereziaren behin-behineko onarpena. Bigarrenean, Idesako lursailaren HAPOren 3. aldaketa puntuala behin betiko onartzea.

Zazpigarrenean, kirol-instalazioen energia-kudeaketako eta mantentze-lanetako zerbitzua kontratatzeko espedientea onartzea. Zortzigarrena, EH Bilduk udal finantzaketari buruz aurkeztutako mozioa da.

Bederatzigarren puntua Pedro Gallegok Udaleko zinegotzi karguari egindako ukoa arrazoitzea izango da.

Bilkura hamargarren puntuarekin amaituko da, galde-eskeen atalarekin, halakorik balego.

Saioa streaming bidez emitituko da, webgune korporatiboaren eta YouTube kanalaren bidez, 19:00etatik aurrera