Balta Bordoy & The Bad Boys

Bartzelonako R & B banda sendoa, blues elektrikoa, gospela, groove eta jazza uztartzen dituena erritmo kitzikagarriak eta energiaz kargatuak eskaintzeko. Ibilbide luzeko lau musikariz osatutako taldea da, eta orain bat egiten dute oholtza gainean ahalik eta gehien gozatzeko eta publikoari errepertorio indartsua eskaintzeko. Errepertorio horretan, hiru bakarlariak Víctor Puertasen ahots bero eta indartsuarekin txandakatzen dira.

Balta Bordoy, blues eta R & B estiloetan espezializatutako Mallorcako gitarrista aditua, "sideman" bezala egindako lanagatik da ezaguna, James Harman, Sax Gordon, Alex Schultz, Keith Dunn edo Barrelhouse Chuck bezalako musikariekin batera. 30 urteko ibilbidean T-Bone Walker, Johnny "Guitar" Watson, Otis Rush edo B.B. Kingen soinuak xurgatu ditu, batzuk aipatzearren.
 

Balta Bordoy musikariaren web ofiziala