Lehenengo pertsonan idatzita, Carolina Oteroren ezkutuko egunkari erotikoa osatzen du nobelak. Neskamea, dantzaria eta prostituta; bere zoriontasun falta ordezkatzeko bere edertasuna salerosten jakin zuen emakume bat deskribatzen du, ‘gizon irensle’ ospetsua. Alfonso XIII.ak, Belgikako Leopoldo II.ak, Errusiako Nicolas I.a zarrak eta Alemaniako Guillermo II.a kaiserrak burua galdu zuten emakume horrengatik.

Zientzia-fikziozko klasiko bat da Planilandia, eta, zentzu askotan, liburu aitzindaria da. Gainezka egiten duen matematika bizitasuna eta gizarte satira zorrotza uztartzen ditu; Planilandia nobela oso dibertigarria da, baina, aldi berean, kezkagarria, gure egunerokotasunaren mugei buruz agertzen duen ikuspegiagatik.

Emakume orok darama erregina bat bere barruan. Hala ere, asko uzkurtu egiten dira maitemintzen direnean; gutxiagotu egiten dira maite duten gizonaren aurrean. Emakumeen benetako liberazioa ez da jazo oraindik. Evaren madarikazioak emakumeen gainean jarraitzen du oraindik. Madarikazio horrek eraginda, maila txikiagokoak bailitzan jokatzen dute, gezurrezko duintasunarekin eta nahastutako arrazoiekin.

Metafora tresna bezala erabilita, Rosetta Forner-ek benetako istorioa kontatzen digu: maitasuna aurkitu nahi duten emakume guztiena, baina, aldi berean, beren auto-estimua eta duintasuna galdu arazi diezaiokeen gizon baten besoetan amaitu nahi ez duten emakumeena. Erreginen fabula da hau, lotu gabeko diadema duten damatxoena, armadura herdoilduta duten erregeena eta zaldunena; guztiok barruan izan arren kanpoan bilatzen ditugun duintasuna, poza, konpromisoa, galera, zintzotasuna, itxaropena, askatasuna, aukera, fedea eta maitasuna bezalako pertsonaien istorioa da.

Zer esan ez dakitela geratzen diren gurasoen kopurua gora egiten ari da. Beren seme-alabak ahal duten ondoen hezteko ahalegina egin arren, horiek tirano txikiak bihurtzen dira sarritan. Jirina Prekop haurren psikologo ezagunak fenomeno horri buruzko lehenengo azalpena eskaintzen du, eta haurrak desorekarik gabe garatu ahal izateko izan behar dituzten mugen eta permisibitatearen artean egon behar den bataz besteko tartea nolakoa izan behar den adierazten du. “Ilusioak alboratzeko eta erantzukizuna hartzeko gurasoek erakusten duten ausardian dago tirano txikiaren itxaropena”.

Karlos Arguiñanok egunero telebistan prestatzen dituen errezeten aukeraketa da liburu hau. Osagai bakoitza kontsumitzeko sasoi onena kontuan hartzen du, eta berau guztiok eskuratzeko moduan egoteari erreparatzen dio. Pauso bakoitzari dagokion argazkiarekin lagunduta daude errezeta guztiak, eta, gainera, plater bakoitzaren dieta-informazio erabilgarria jasotzen du, bere osaera nutrizionala zein den jakiteko. Azken baten, Karlos Arguiñanok guretzat maitasun handi horrekin prestatzen dituen errezetak kozinatuz gozatzeko liburua daukazue hemen.

Pianoa jotzen ikasteko behar diren gomendio guztiak jasotzen ditu ikus-entzunezko ikastaro honek. Gainera, auto-irakaskuntzarako 54 minutuko doako CDak aukera eskaintzen dio interpreteari ikasgaia nahi bestetan entzuteko, azaldutako kontzeptuak behar bezala ulertu arte, eta modu horretara, teoria eta musika praktika uztartzeko.

Testuen ediziorako mundu mailan hedatuen dagoen aplikazioaren azken bertsioa da Word 2003. Eskuliburu honekin programa hori erabiltzen ikasiko duzu, gero eta zailtasun handiagoak jasotzen dituzten 20 ikasgai didaktikoen bitartez.

Javier Iza-Goñolaren "Alfa, S.A. Motor Social y Económico de la vida Eibarresa" doktorego-tesia jasotzen du liburu honek. Eibarko Udalaren Ego Ibarra Batzordeak argitaratzen duen 32. lana da argitalpena, eta aipatutako enpresaren ekonomia eta gizarte historia jasotzen du, sortu zutenetik (1920. urteko urriaren 28a) eta gaur arte.