Eguraldi txarrari, koloretako txupinazoa!

Haurren txupinazoak hasiera eman dio gaur, asteazkena, Ermuko Umeen Egunari. Haurren Kontseiluak ongietorria eman die dozenaka parte-hartzaileri Orbe Kardinala plazara euren egun handia ospatzeko, eta koloretako hautsez betetako poltsatxoak banatu dituzte. Atzerako kontaketaren ondoren, hamaiketan puntuan kolorezko eztanda handiak bete ditu herriko kaleak.