Gaur antzerkia euskaraz Zineman

Pok produkzioak gaur ‘Euskararen 7 bekatu nagusiak’ antzezlana dakar Ermua Zinemara. Antzezlana, gaueko hamarrak eta laurdenetan hasiko da. Kultura sailak sarrerak aldez aurretik saltzen jardun dituen arren, oraindik badago jarlekurik azken ordura arte ezbaian ibiltzen direnentzat ere. Sarrerak takilan erosi ahal izango dira 6 eurotan. Aitzpea Goenagak zuzentzen duen obra hau 75 minututan garatzen da. Antzezlana euskara hutsean egingo da. Antzezleen artean, Lierni Fresnedo, Mikel Laskurain eta Niko Leizeaga ezaguna ditugu.

Goenaga zuzendariak, obraren sinopsian ondokoa dio: Bekatu nagusiak beste hauek dira: Bekatua badela asmatzea, eta egon badaudela sinistaraztea. Eta errudun sentiaraztea, eta aitortu behar izatea, eta penitentziaren bidez behar izatea, eta penitentziaren bidez konpon daitekeela esatea eta,... "Bekatutik libre bizi gaitezen". Amen. Bizi hadi ona onarekin, eta ez hadila alborota gaxtoarekin. 7 bekatu nagusiak zeintzuk diren, jakin badakigu, eta euskaraz? Hain zuzen ere, ondoko hauek: amorrua, haragikeria, zuhurkeria, nagikeria, inbidia, harrokeria eta tripazainkeria.