Bihar ura moztuko zaie Gipuzkoa Etorbideko auzokoei

Gipuzkoa Etorbidean bihar ura moztuko da lau orduz, arratsaldeko 3etatik 7etara bitartean, hain zuzen ere. Horrela jakinarazi du zerbitzua kudeatzen duen enpresak, ‘Aguas del Norte, S.Ak’ eta, herritarrak jakinaren gainean jartzeko informazio oharra kaleratu eta jarri du ukitutako eraikinetako portaletan. ANSAk adierazi duenez, ur-horniketa moztu beharra du edateko ura sarean hainbat elementu berritu eta aldatzeko obrak egin behar dituelako.

Hainbat elementu aldatzeaz gain, Gipuzkoa Etorbideko 24. eraikinera doan sare-hartunea ere aldatu egingo du eta gaur egun erabiltzen ez den beste bat ezabatu. Ur hornidura eten behar zela jakin bezain pronto, enpresak eta udal honek erabakia hartu dute, asmo horren berri eman eta herritarrak jakinaren gainean jartzeko lehenbailehen, obra horiek herritarrei sor dakizkiekeen eragozpen eta ondorioak gutxitu asmoz.