-El paso del Trueno- taldearen kontzertua, Zineman

‘El paso del Trueno’ talde madrildarrak bere lehen diskoa aurkeztuko du gaur Zineman, gaueko 10.15etatik aurrera emango duen rock kontzertuan. Boskoteak gaur aurkeztuko duen lana merkaturatu duen lehenengo diskoa da, zeina taldearen izen berberarekin titulatu duten. Diskoan hamar abesti biltzen dira, guztiak taldeko kideek beraiek idatzi eta konposatutakoak. Aurkezpenean esaten denez, talde irmoa da eta gaur egungo musika eskaintzari haize freskoa ekarri dioena. Taldeak ez dio inolako formari uko egiten, berori osatzen duten musikarien joera musikalak uztartu egiten baitira eta, horien artean, rocka, flamenkoa, musika alternatiboa eta etnikoa aurkitu ditzakegularik. Taldea 2000 urtean eratu zen, hasieratik bertatik hasi zirelarik ezagutzera ematen, Getafeko hegoaldeko tabernatan. Hasierako emanaldi horiek ongi aprobetxatu zituzten, ospea lortuz eta musikaren merkatuan lekua hartzeko.

‘El paso del Trueno, talde ezberdinetatik etorritako musikariek osatzen dute. Kideak ondoko hauek dira: Félix Cantón, perkusioa, Manuel Llera, gitarra elektrikoa, Raúl López, abeslaria, Miguel Ángel Olego, baxua eta, azkenik, Daniel Chacón, gitarra akustikoa. Sarrerak 8 eurotan eros daitezke sarreran bertan.