Zortzi kale berriren izenak onartuko

Ermuko udalbatzak datorren zortzi kale berrirentzat izenak onartuko ditu datorren ostiralean, aurtengo urtean egingo duen azken ohiko Osoko Bilkuran. Proposamenari buruzko irizpena atzo iluntzean aho batez hartu zen, gai orokorren eta udalbatzak aztertu beharrekoen informazio batzordearen azken batzarrean. Herriak azken urteetan jasan duen garapena eta hirigintza hazkundearen eraginez, bizitegi gune eta etxebizitza berriak eraiki dira eta, horren ondorioz kale eta zeharbide berriak ere agertuz. Hori horrela, espazio berri horiek identifikatzeko beharrari aurre egiteko asmoz, udalak herriko toponimiara eta herritarren erabilerara jo du.

Hortaz, udalbatzari proposatzen zaizkion izen berri horiek ondoren zerrendatzen dira: Extremadurako eta Andaluziako zeharbidea, Ursolo eta Etxarte zeharbideak, Goiko eta San Martin plazak, eta Sakona eta Abeletxe kaleak. Udalbatzak hartuko duen erabaki horrek hasierako izaera izango du eta hilabetez jendaurrera jarriko da, alegazioak aurkeztu ahal izan daitezen. Erabakia jendaurrera jartzeko iragarkia argitaratuko da probintziako buletin ofizialean eta gehien irakurtzen den egunkarian eta, iragarki-oholean jarriko.

Hilabete horretan erreklamazio, alegazio edo iradokizunik aurkezten ez bada, erabaki hori behin betikotzat joko da, udalbatzak berriz ere aztertu beharrik izan gabe. Izena jarri zaien espazio berri horien kokapena ikusi eta kontsultatu ahal izateko planoa eransten da.