Pablo Sciuto uruguaiarrak kantaldia emango du gaur

Pablo Sciuto uruguaiarrak kantaldia emango du gaur, Valdespina Markesaren parkean, gaueko 10 eta erdietatik aurrera. Emanaldia Komite Internazionalistak antolatu du eta herriko jai egitarauaren barne txertatzen da.

Sciuto Uruguaiko kantu berriaren musikari kreatiboenetakoa da, bere kabuz ikasi izan duelarik. 1998 bere herrialdea uztea eta Europara etortzea erabaki zuen. Europaren zati handi batean ibili eta gero bere lehen diskoa -“Citylandia” titulukoa- argitaratu zuen 1999. urtean, Bartzelonan, hain zuzen ere. Lan horretan Hugo Amaya saxo jolearen kolaborazio aizan zuen. Lanak hainbat influentzi abiltzen eta uztartzen zituen: bossa nova, jazza eta tangoa, adibidez. Beranduago, 2000. urtean abesti berriak aurkeztu zituen Madrilen soinu afrikar eta brasildarretan aberatsa zena. Horiekin, bere bigarren lana atondu eta merkaturatu zuen: ‘La llave del cielo’. Orain bere hirugarren eta momentuz azken lana aurkezten ari da; “Tres corazones” deritzana.

AMI izeneko lehiaketa irabazi du ‘esentzia’ izeneko konposizioarekin. Leo Minax, Habana Abierta, Rita Tavares, Gustavo Pena Príncipe, Carlos Chaouen, eta abar luzearekin kolaboratu izan du hainbatetan.