-Gure Agenda-ren zazpigarren alea kalean da

Hilero herrian euskaraz egiten diren jarduerak biltzen ditu ‘Gure Agenda’ izeneko ekimenak. Irailak ale berri bat ekarri digu, aurtengo zazpigarrena, hain zuzen ere. Honakoa, esan bezala, argia ikusi duen zazpigarren alea da, eta udaren bueltan indarberritua dator. Hortaz, hasi berri dugun hilabete honek ere euskaraz bizitzeko eta hizkuntza praktikatzeko aukera franko eskainiko digu ermuarroi. Iraileko agendan , besteak beste, euskaltegiek euskara ikasteko eskaintzen diguten aukera jasotzen da, baita Euskal Birusak urtero antolatzen duen postal lehiaketa, eta liburutegiak antolatutako ‘Megairakurleak’ titulukoa, Kepa Junkera musikariaren eta Euri Ttanttak taldearen emanaldiak, beste gauza askoren artean. Betiko legez, agenda udal euskara eta kultura zerbitzuek bultzatzen dute eta, horretan, Euskal Birusa eta Txindurri taldeen, liburutegiaren, herriko euskaltegien, Foru Aldundiaren eta Eusko Jaurlaritzaren laguntza jaso dute.