Saio praktikoek amaiera emango diote bide-hezkuntzako eskola kanpainari

23.05.08

Hiritarren Segurtasuna

Saio praktiko batzuk amaiera emango diote gure herriko aurtengo ikasturteko bide-hezkuntzako eskola kanpainari. Saio praktikoei gaur eman zaie hasiera eta horiek ekainaren 3an bukatuko dira. Bide-hezkuntzako eskola kanpaina herritarren segurtasun udal alorraren ekimena da eta hori Eusko jaurlaritzaren Herrizaingo Sailarekin batera eta haren laguntzaz gauzatzen duena. Aurtengo edizioan kanpainan herrian ditugun bost ikastetxeetako Lehen Hezkuntzako bosgarren eta seigarren mailako ia 275 umek hartu dute parte.

Gaurkoan Sallabente ikastetxeko 23 ikaslek bi ordu eman dituzte praktikan egiten. Praktika horiek Aritzmendi pilotalekuan egin dira, beren beregi antolatutako zirkuituan. Ikasleak taldeka banatu dira eta moto-ziklo elektrikoak gidatu dituzte, benetako ertzain eta udaltzain agente biren esanetara. Ikasleek zirkulazioaren noranzko biak erabili dituzte, norabidez aldatu, zebrabideak zeharkatu, eta semaforoak ere errespetatu dituzte. Arratsaldeko saioa ordu bi eta erdietatik lauretara bitartean egingo da eta Sallabente ikastetxeko 6 mailakoentzat izango.

Saio praktikoek aurrera egingo dute datorren astean. Ikastetxe bakoitzari dagokion saioen egun eta ordu zehatzak ondorengo taulan jasotzen dira:

Saio praktikoen egutegia
Eguna	Zentroa	Maila	Ikasleen zenbakia
Maiatzaren 23an	Sallabente	5º eta 6º	43
Maiatzaren 26an	Eskolabarri	5º eta 6º	36
Maiatzaren 28an	San Pelayo	5º eta 6º	52
Maiatzaren 29an	Anaitasuna Ikastola	5º A eta 6º A	44
Maiatzaren 30ean	Anaitasuna Ikastola	6º A eta 6º B	45
Ekainaren 2an	Ongarai Eskola	5º A eta 5º B	30
Ekainaren 3an	Ongarai Eskola	6º A eta 6º B	22

Saio praktikoek amaiera emango diote bide-hezkuntzako eskola kanpainari

Lotutako albisteak