Ana Cobosek egindako hainbat arte lanen erakusketa Lobianon

Lobianon mihise gainean egindako hainbat artelanen –pintura, collage eta beste hainbat mistoen- erakusketa ireki du gaurkoan Ana Cobos Sanz nafarrak. Erakusketari jarri dioen titulua ‘Filigranak eta collageak mihise gainean’ eta apirilaren 21era bitartean mantenduko da zabalik. Erakusketa udal kultura sailak antolatu du. Bere ordutegia ondorengoa da: astelehenetik igandera bitartean egunero arratsaldeko 6etatik 8etara bitartean. Sarrera doan da.

Ana Cobos Kantuan eta Arte Ederretan Lizentziatua dago, zaharberritze edo berriztapen atalean, Euskal Herriko Unibertsitatean. Bere prestakuntza osatu eta borobiltzeko, diseinu grafikoa ere ikasi du, Teknikari Laguntzailearen titulua eskuratuz.

Hainbat erakusketa bakarka nahi taldean egin ditu bere lana ezagutzera emateko, gehienak Nafarroako hiriburuan eta inguruko eskualde eta herrialdeetan, (Lekunberri, Zizur, Cascante, eta abar...) eta baita ere Aragoi lurraldean (Tarazonan) eta Frantzian (Bordelen). Anak hainbat sari jaso ditu, horien artean aipatzekoak direlarik; Nilsa sariketan hautatua, Eskulturako lehen saria Errenterian, eta Malón Echaide Pintura sarietako hainbat edizioetan hautatua.

• Ana Cobosen erakusketa iragartzen duen kartela