Ermua-Mallabiko LHIak ikasturtea itxi eta hurrengo 2013-14a prestatzen hasi da

Ermua-Mallabia Lanbide Hastapenerako Ikastegiak 2012/2013 ikasturtea amaitutzat eman du uztailean ikasketak bukatu dituztenei ziurtagiriak banatu eta gero. Ikasturtea positibotzat jo dute hezkuntza alorrean diharduten bai herriko gizarte eragileak eta baita ikasleak praktikan hartu eta horien tutoretza egin duten inguruko enpresak. Enpresak pozarren agertu dira gazteek egindako lanarekin, hainba kasutan ikasle horien enpresatan dituzten lan taldeetan txertatzeko prest liratekeelarik esateraino. Izan ere, hainbat kasutan horrela gertatu izan da, hainbat ikasle praktikak amaitu eta bertan geratu direlarik lanean.

2013/2014 ikasturteari dagokionez ikastegia promozio berria hartzeko prest dago, instalazioak egokitzen, materialak prestatzen eta edukiak eta proiektu sozial eta heziketarena uztartzen eskualdean ditugun behar eta eskariei egokituz. Taldea proposamen berriak gauzatzeko lanean dihardu ikasle eta familiei egiten zaien harrera ona ahantzi gabe, ikastegiaren ezaugarri eta marka baita, harrera eta prestakuntza hobea eta egungo egoera sozioekonomikoarekin bat datorrena.