XI. Erdi-aroko azoka Sallabenten

Sallabente auzoko jaiekin aldi berean XI. erdi-aroko azoka gauzatuko da aste buru honetan. Ekimenak oso harrera ona lortu izan du aurrekoetan eta urterik urtez gora egiten jarraitzen du. Hori horrela, ekimena jada oso errotua dago eta jai egitarauan txertatu da, ikusle eta bisitari ugariren arreta erakartzen baitu. Azoka ostiralean arratsaldeko 18etan zabalduko da. Musikari eta juglareak egongo dira. Horiek kalejiran egingo dituzte eta batetik bestera ibiliko dira gora eta behera. Arratsaldean, kontzertua izango da, horretan musika instrumentu ugari erabiliko soinu erregistro asko eskainiko direlarik. Ostiralean gauean bi kontzertu egongo dira: dantzaldia betiko moduan ikastetxearen patioan eta rock-kontzertua Errotaberri plazan.

Bai larunbatean bai igandean sardina eta saiheski banaketa ikastetxearen patioan egongo da.

Igandean animazio eta ekitaldiak aurrera jarraituko dute. Azoka irekitzeko orduak eta aurreko eguneko hainbat jarduera errepikatu egingo dira. Jarduera guztiak eta horien ordu zehatzak jakiteko ikus esku egitaraua.

• Sallabenteko Jaien egitaraua