Ermuko kaleetan musikaz gozatzeko aukera zabala

Santiago Apostoluaren omenez ospatzen gabiltzan herriko jai nagusiak musika ekarriko digute barra-barra. ‘Santixauetan’ makina bat musika ikuskizun eta emanaldi izango ditugu, musikak leku nagusia duelako egitarauan. Programatutako guztiaren artean, aipamen berezia merezi dute hiru ekitaldi: Seguridad Social, Vendetta eta El Consorcio taldeen kontzertuak. Nolanahi ere, eskaintza zabala izango denez, musika estilo eta joera guztiak entzuteko aukera izango da. Horren helburua jende gehienaren eskaria asetzea da, nahiz eta kultura alorrak jakin badakien, musika kontuetan pertsona beste gustu egon daitezkeela. Horiek horrela, kantautoreak, bakarlariak, orkestrak, perkusio taldeak, eta dantzaldietakoak izango ditugu. Horiek guztiek, estilo eta musika jotzeko modu bat dute eta horien artean, kale musika, orkestrak, fanfarreak, funky-jazza, jazz-fusioa, perkusioa, rocka eta diskoa daude.

Emanaldi guzti horiek, jai egitarau ofizialaren barne jasotzen dira. Jaietako hiru egun nagusietan aukera anitz, gu guztion gustua asetzeko beste.