Kosmetikaren azokan egon dira Ermua eta Mallabiko Lanbide hastapenetarako ikasleak

Ermua eta Mallabia Lanbide hastapenetarako Ikastegian ile-apaindegi espezialitatea ikasten ari diren ikasleek Beauty, Wellness & Fashion kosmetika azokan izan dira, Bilbon. Euskadin edertasuna bere osotasunean eta norbere zaintzari buruzko lehen azokan, zeina azaroaren 29, 30ean eta abenduaren 1ean BEC erakustazokan egin den. Azoka alorreko profesionalek nahiz bezeroek elkartzeko abagunea izan da. Erakustoki aparta azken joerak aurkezteko eta baita ere norbere buru eta irudia zaintzeko azken nobedadeak, horiek show, desfile eta demostrazioen bidez gauzatu direlarik, ile orrazkera, aurpegi makillaje eta azazkaletan.

Bisitaldiak aukera eman die ikasleei master class deritzan saioan parte hartzeko, ezagutza teknikoak sakonduz, ile orrazketa eta mozketan dauden azken ildoak ezagutzeko aukera zuzen izanik, modelo gisa jardun baitzuten. Horrez gain, kosmetikan eta alorrean erabiltzen diren aparatu berrienak zuzenean ikusi ahal izanez.

Jarduera oso positibotzat jo dute, etorkizunean profesionalak izatera eta ikasten eta aukera eta berrikuntza ugari dituen alor batean aurrera egiteko bultzada ere izanik.