Efecto Pasillo eta Esne Beltza, 2016ko Santixauetako kontzertu nagusiak

21.03.16
Kultura eta Gazteria

Lau hilabete baino ez dira falta 2016ko Santixau jaietarako, eta programazioa itxura hartzen hasi da jada. Musika emanaldiak izan ohi dira festetako ekitaldi garrantzitsuenak, eta Kultura Sailak hainbeste itxarondako jaiegunak girotuko dituzten zenbait talderen izenak jakinarazi ditu.

Urtero bezala, txupinazoa bota baino astebete lehenago, kontzertu ikusgarri batez gozatzeko aukera izango dugu San Pelaio plazan. Aurtengoan, Efecto Pasillo kanariarrak izango ditugu geure artean uztailaren 16an, 23:30etik aurrera.

Uztailaren 23an, Santixauen bezperan, Esne Beltza igoko da San Pelaioko agertokira, Ermua ska eta hip-hop erritmoz betetzeko asmoz. Xabi Solanok gidatzen duen taldeak “Eskuekin”, “Bozgorailuetatik” eta “Sueños de Color” bezalako arrakastak joko ditu 23:30etik aurrera.

Bestalde, uztailaren 27an, “Zezen eguna”, Lorenzo Santamaría abeslari mallorkarra izango da jaiei amaiera emateaz arduratuko dena. Kontzertua 00:30etan hasiko da Orbe Kardinala plazan.

Lotutako albisteak

05.05.25
2007tik 2012ra jaiotako gazteentzako doako areto-futboleko txapelketa

Txapelketak izaera ludikoa izango du, ekainean jokatuko eta izen-emateak maiatzaren 20ra arte egin daitezke
29.04.25
Antzokiak maiatzeko programazioari ekingo, zineari irailera arte agur esango dioen hilabetea

Aste honetan "La chica de las Aguja", "Por todo lo alto", "Un funeral de locos" eta "La Luz de Aisha" proiektatuko ditu
24.04.25
Pintura Eskolako ikasleen sormena eta lanak ikusgai izango Lobianon

Ikasturteko lanen erakusketa hartuko apirilaren 28tik maiatzaren 9ra bitartean