Gauez galtzada itxita AP-8 autobidean, Ermua eta Gerediagaren artean

Bizkaian AP-8a kudeatzen duen Interbiak sozietate publikoak jakinarazi du gaur eta bihar gauetik goizaldera errepidea moztuko dela autobidean. Ermuko saihesbidearen obrak aurrera doa, eta horixe da etenaldiaren arrazoia. Izan ere, lanengatik itxiko da bidea Bilborako noranzkoan.

Galtzada 00:00etatik 06:00etara bitartean egongo da itxita gaur gauean eta biharkoan, Ermutik (75 kilometro puntua) Durangora (88 kilometro puntua) doan autobide zatian. Gainera, Gerediagako (Abadiño) sarbidea ere itxita egongo da tarte horretan.

Trafikoa N-634 errepidetik desbideratuko da, eta Interbiakek desbideratzeak adierazteko seinaleak jarriko ditu.

Bizkaiko Aldundiak aldaketa horrek sor ditzakeen eragozpenak barkatzeko eskatu du.