Gerediagatik eta Ermurako arteko AP-8ko zatia gauez moztuta egongo da aste honetan

AP-8 Autobidea: Galtzada itxiko da, gauez, Gerediaga (84 km) eta Ermua (75 km) artean

Interbiak Sozietate Publikoak jakinarazi duenez, azaroaren 21ean, 22an, 23an eta 24an, AP-8 autopista itxita egongo da Donostiarako noranzko galtzadan Gerediaga eta Ermua artean, 22:00etan hasi eta hurrengo eguneko 06:00ak arte.

Ermuko Hegoaldeko Saihesbidearen eraikuntza lanak direla eta moztuko da errepidea. Gerediagatik (84. kilometroa) Ermura (75. kilometroa) joan behar duten gidarientzat honako aukerak proposatu ditu Interbiakek:

• Donostiarantz doazen ibilgailuak N-634 errepidera bideratuko dira Gerediagako lotunean, eta Ermuko lotunean sartuko dira berriro autobidera.
• Elorriotik datozen ibilgailuak, N-636tik datozenak, N-634 errepidera bideratuko dira Donostiarantz joan nahi badute, eta Ermuko lotunean sartuko dira AP-8 autobidera.
• BI-633 errepidetik datozenak, Garaitik eta Berrizetik, N-634 errepidera bideratuko dira Donostiarantz joan nahi badute, eta Ermuko lotunean sartuko dira AP-8 autobidera.

Interbiak sozietateak seinalatuko ditu egin beharreko bide aldaketa guztiak, eta eragozpenak barkatzeko eskatzen du. Informazio gehiago behar izanez gero, kontsulta ezazu sozietatearen webgunea.