Ondasun Higiezinen gaineko Zergari buruzko informazio kanpaina pertsonalizatua

Hutsik eta erabilerarik gabe dauden etxebizitzei aplikatuko zaien %50eko gainkargua azaltzeko eta baita hori salbuesteko egoera dutenek nola kreditatu behar duten ere bai

Datorren hastean udal honek Ondasun Higiezinen gaineko Zerga arautzen duen Ordenantza Fiskalari buruzko informazio pertsonalizatua hasiko du, hain zuzen ere, aipatu ordenantzaren VII kapituluan aurreikusita dauden Hobari eta gainkarguen kapitulua aplikatzeko modu zehatzari buruz, jabeen ohiko egoitza ez diren eta hutsik dauden etxebizitzen kontsiderazio eta trataeraren inguruan prozedura zehazteko.

Informazio kanpaina hori aplikatuko zaien herritarrei soilik bideratuko da eta ez ermuar guztioi. Hain zuzen ere, edozein arrazoi dela medio, ustez salbuetsita geratzeko hutsik edo itxita eta inor gabe etxebizitzak dituztenei, gainerako kasuetan %50eko gainkargua aplikatuz. Kanpainaren xede nagusia jabeei zuzenean informatzea nahi da eta, salbuespen egoeraren batean izanez gero, hori kreditatzeko dituzten moduen berri ematea.

Hori horrela, egoitza erabilerako ondasun higiezinak dituzten jabeek eskutitza jasoko dute baldin eta ondasun hori ohiko etxebizitza bezala erabiltzen ari ez badira, hirugarren pertsonei alokatuta edo utzita ez badute. Aipatu eskutitzean, salbuetsita izan daitezkeela uste badute nola jokatu eta kreditatu behar duten azalduko zaie, gainkargurik aplika ez diezaieten.