Segurtasunezko eskola garraioaren alde

Ermuko Udaltzaingoak eskola garraioa ikuskatzeko eta kontrolatzeko kanpaina berezia jarri du martxan azken asteetan, herriko ikasleek segurtasunez bidaiatu dezaten. Udaltzainek arreta berezia eskaintzen diote autobusen egoerari, baita gidariei ere.

Ibilgailuek, ikasleek eta horiei laguntzen dieten pertsonek segurtasun araudi osoa betetzen dutela egiaztatu dute agenteek. Araudiaren arabera, adinez txikikoek behar bezala kualifikatutako pertsona heldu baten laguntza izan behar dute eskola garraioa hartzen dutenean.

Udaltzaingoak indartu egingo ditu ikuskaritza horiek, eta zerbitzua eskaini ahal izateko baimenak eta dokumentazioak egokiak direla egiaztatuko dute.

Gainera, autobusen baldintza teknikoek eta segurtasunerako elementuek indarrean dagoen araudia betetzen dutela begiratuko dute.