Udaltzainek eta Ertzainek omenaldi bateratua egin diete osasun arlokoak langileei Mendaron eta Eibarren

Ermuko, Elgoibarko, Eibarko udaltzainek eta Debabarreneko ertzainekin batera, Osakidetzaren Mendaroko eta Eibarko ospitaleetan Covid-19 edo koronabirusaren aurkako borrokan lehen lerroan dauden osasun-arloko profesional guztiak omentzeko eta aitortzeko ekitaldi batean parte hartu zuten larunbat honetan.

Agenteak larunbat iluntzean joan ziren bi osasun-zentro horietara; argiak piztuta zituzten ibilgailuak lerroan jarri zituzten, eta txalotu egin zituzten une horretan gure eskualdeko erreferentziazko bi zentroetan lanean zeuden medikuak, erizainak, laguntzaileak eta gainerako osasun-langileak. Omenduek keinua itzuli zuten eta talde biek elkarri txalotu zioten.

Keinu hori errepikatzen ari da estatu osoko herrietan zehar, balkoietan eta leihoetan, arratsaldero, 20:00etan, alarma-egoera deklaratu denetik, baina birusa geldiarazteko eta ukitutakoak sendatzeko dena ematen ari diren pertsonek hurbilago eta errealago senti zezaten omenaldia in situ egin nahi izan zuten. Ekitaldi hunkigarria!