Hasi da Errotabarriko parkea estaltzeko obra

Errotabarri plazako haur jolasek estaldura estreinatuko dute datozen asteetan. Construcciones Ubarri enpresa dagoeneko hasi da obra zibila egiten, eta zapata aurrefabrikatuak jartzen ari da zoladuraren gainean, hori aldatu gabe, forjatuari eta garaje-plazen iragazgaizteari ez eragiteko.

Elementu horien gainean, Arquitectura Textil S.L. enpresak 260 metro koadroko ehun-karpa prefabrikatu bat jarriko du haur-jolasak dauden eremuaren gainean. Horrela, egun euritsuetan ere erabili ahal izango da parkea. Azpiegitura San Pelaio plazan dagoenaren antzekoa izango da.

Estalketa abuztuaren erdialderako prest egotea espero da. Ordura arte, ezin izango dira instalazioak erabili.