Innpulsok eta Recik etorkizuneko hiriez hausnartu dute Malagako Greencities Foroan

Ermuko alkateak Hiri Inteligentzia eta Iraunkortasunaren 11. Foroan, GREENCITIES delakoan, parte hartuko du gaur Malagako Azoka eta Kongresuen Jauregian (FYCMAn). Kongresu horren esparruan, Innpulso Sareak (Zientzia eta Berrikuntza Hirien elkarteak) eta RECI Sareak (Espainiako Hiri Adimendunen elkarteak) baterako lan-jardunaldi bat egingo dute, eta bertan, erakundeek uztailean sinatutako lankidetza-hitzarmenaren gako nagusiak aurkeztuko dituzte. Hitzarmenaren helburua da lankidetzan lan egitea berrikuntzako hiri-proiektuak eta -irtenbideak, Open Government, Open Data eta hiri adimendunen ereduak garatzeko.

Innpulso sareko presidentekide eta Ermuko alkate Juan Carlos Abascalek eta Logroño hiriburuko bere homologo eta RECIko presidente Pablo Hermoso de Mendozak, elkarrizketa mahaian izango dira gaur eguerdian mahai-inguru batean parte hartuz. Horri jarri zaion titulua: Lankidetza da hiri-inteligentzia eta –jasangarritasunerari bide emango dion aukera. Biek hausnartuko eta amankomunean jarrito dute teknologiak nola lagun dezakeen kudeaketarako hiri adimentsuagoak lortzeko proiektuetan.

Greencities Espainiako hiri adimendunen ekitaldi nagusia da, hiru premisatan oinarritutako foro profesionala: hiri, enpresa eta profesionalen arteko eztabaida eta ezagutza; networking-a eta negozio-aukerak sortzea, eta hiri-kudeaketa integral eraginkor eta adimendunerako irtenbide aurreratuen erakusgarri.