Zamalanetarako transpaleta bat Aldapan irauli da, inor zauritu edo kalterik eragin gabe

Zamarik gabeko transpaleta bat irauli egin da gaur goizeko bederatzi eta erdiak pasatxoan Ermuko San Pelaio eta Aldapa lotzen dituen bide tartean. Gertaerak ez du kalterik edo zauriturik eragin, ezta kalte material handirik ere, Udaltzaingoak jakitera eman duenez. Ezbeharra goizeko bederatzi eta erdiak pasatxo zirela gertatu da, argitu gabeko arrazoiak tarteko, gertuko obra batean lanean ari zen zamalanetako ibilgailua irristatu egin ondoren, galtzadan etzanda geratu denean alboetako baten gainean. Aipatutako hirigune barneko bide zatia moztuta geratu da eta bertaratutako agenteek zirkulazioa inguruko kaleetatik desbideratu dute.

‘Apalategi’ enpresako bi garabi bertaratu dira, eta horietako handienak, garabidunak, ibilgailua altxatu eta atoian eraman du. Goizeko hamarrak eta berrogei aldera, bidea zabalik geratu da berriro. Kalte materialen urrien artean esku baranda eta seinale bertikalen bat daude.