Garajeen obrak direla-eta, Zubiaurre 52tik 48ra lekuz aldatu da Zubiaurreko geralekua

A-09 Zerukoa eremuan, merkatu txikiaren eremuan, bizitegi-etxebizitzak, garajeak eta lur gaineko aparkaleku bat eraikitzeko lanak azken fasean sartu dira. Etxebizitzak, lurpeko garaje-solairuak, urbanizazioa eta lurrazaleko aparkalekuaren zati bat amaituta daude, azken erremateren bat salbu. Orain, promotora proiektuan aurreikusitako lurpeko garajeen beste erdia industen eta altxatzen ari da. Horien gainean, aparkaleku gehiago geratuko direlarik. Lan horiek egin ahal izateko, beharrezkoa izan da Bizkaibuseko lineen autobus geltokia behin-behinean lekuz aldatzea. Aste honetan Zubiaurreko 52. zenbakitik 48.era jaitsi da geltokia, eta bertan mantenduko da obra amaitu arte. Puntu horretan egurrezko eta kristalezko etxola bat jarri da, teilazko estalkiarekin eta banku batekin. Halaber, garraio publikoko autobusentzat erretserbaturiko lekua kolore horiz margotu da.

Geltoki hori behin-behinekoa izango da, eta hilabete batzuk baino ez da mantenduko, garajeen lanak amaitu arte. Horregatik, ez da erabili bere egitura lurrera ainguratu behar duen ohiko markesina, kolore horia eta metakrilatoa dituena. Bizkaibusek ekarri eta jarri duena ez dago lotuta, baizik eta espaloi urbanizatuaren gainean jarrita, denbora labur batez erabiliko dela aurreikusita baitago. Jartzeak eta kentzeak ez du obra lanik behar, garraiatu besterik ez. Aparkalekura sartzeko espazioaren ondoko horman jarri da. Tamaina txikiko markesina-eredua da, landa-eremuetan erabili ohi den motakoa.

Jarraian uzten ditugun argazkietan etxola, kokalekua eta gunea ikusten dira. Baita obra amaitu ondoren autobus-geltokia kokatzeko infografia bat ere.