Alerta laranja elurragatik ostiral eta larunbat honetarako

Azken astean gozatu ditugun udaberriko egun epelen ondoren, hotza itzuli da Euskadira. Eusko Jaurlaritzako Segurtasun Sailak eta Euskalmetek ohartarazi dutenez, abisu horian eta alerta laranjan egongo gara datozen orduetan elurragatik, kota 200-300 metrotara jaitsi baitaiteke.

Gaur osteguna, martxoak 31, elurragatik abisu horia ezarriko da 21:00etatik 00:00etara. Elur-kota 1000-1200 metrotan kokatuko da, eta gauean behera egingo du, azken orduetan 600-800 metrotan kokatu arte.

Gauerditik aurrera, larunbateko – apirilak 2 – 10:00ak arte, alerta laranja aktibatuko da barnealdean elurragatik. Elur-kota 200-300 metrora jaitsiko da gaur goizaldean, eta ostiraleko erdiko orduetan 400-500 metro inguruan kokatuko da. Zaparrada txiki-ertainak botako ditu, trumoitsuak izan daitezke eta txingorrarekin batera bota dezake.

Ostiraletik larunbaterako gauean, elur-kota 200-300 metrora jaitsiko da berriro, baina goizean gora egingo du. Eta larunbateko 10: 00etatik aurrera, abisu horira itzuliko gara, eta prezipitazioak arintzen joango dira egunak aurrera egin ahala.

Euskalmeten aurreikuspen eguneratua lortzeko, kontsultatu esteka hau edo jarraitu haren kanal ofizialak sare sozialetan.