Bizitegi-eraikinetako fatxadak berritzeko laguntzen deialdia

Udal honek laguntzak eta dirulaguntzak emateko deialdia ireki die jabekideen erkidegoei, hiri-lurzoruan dauden bizitegi-eraikinen fatxadak osorik birgaitzeko eta berritzeko. Dirulaguntzen lerro hori 25 urtetik gorako antzinatasuna duten eraikinetarako da, eta berrogeita lau mila eta ehun euroko (44.100 €) zuzkidura ekonomikoa du indarrean dagoen udal-aurrekontuan. Helburu nagusia komunitateetan bizitegi-erabilerako eraikinen fatxada osoak birgaitzeko eta berritzeko jarduerak diruz laguntzea da.

Teknikariek izapidetuko dute espedientea, eta, eskaerak aurrez ebaluatu ondoren, tokiko gobernu-batzarraren esku utziko du txosten eta proposamena, alkateak dekretu bidez onartuko den ebazpena eman dezan. Bizkaiko Aldizkari Ofizialak deialdi horren berri ematen duen iragarkia argitaratu zuen astelehenean, hilaren 21ean. Eskabideak aurkezteko epea hogei (20) lanegunekoa da, argitaratu eta biharamunetik aurrera.

Eskabideak aurrez aurre aurkez daitezke Konbentukoa kaleko «Abiapuntu» bulegoan, edo online, gure webgune korporatiboan dugun egoitza elektronikoaren bidez. Eskaerak ebazteko gehieneko epea hiru hilabetekoa da, deialdiaren iragarkia BAOn argitaratu eta hurrengo egunetik zenbatzen hasita. Kasu bakoitzean dagokion zenbatekoa dirulaguntza onartu eta jarduketa gauzatu ondoren ordainduko da.