14 talde lehiatuko dira asteburu honetan Ermuko I. Gazte Futbito Txapelketan

Ermuko Udaleko Gazteria Zerbitzuak 13 eta 18 urte bitarteko 130 parte-hartzaile bilduko ditu asteburu honetan Ermuko Gazte Futbito Txapelketaren lehen edizioan. Betiondo Kirolguneko kantxan jokatuko da torneoa larunbatetik igandera bitartean.

Herriko gazte talde batek Udaleko Gazteria Zerbitzuari egindako proposamenetik jaio da txapelketa, eta elkarrekin antolatu da ekitaldiaren formatu osoa. Egindako planteamenduari jarraiki, larunbatean multzoen faseko partida guztiak jokatuko dira, eta igandean, aldiz, euren multzoetan lehen eta bigarren geratu diten taldeak kanporaketa fasean lehiatuko dira.

Talde guztiak sari nagusia eskuratzeko gogotsu lehiatuko dira. Izan ere, garaileek Ermuko jatetxe batean afaria eta San Mames museorako sarrerak lortuko dituzte. Hala eta guztiz ere, jai giro osasuntsua eta ludikoa espero da asteburu honetan, futbol partiduz eta dibertsioz betea.

Ermuko Udaleko Gazteria Zerbitzuak talde sustatzaileak jasotako proposamena eta bere lankidetza eskertzen ditu. Era berean, gazteria@udalermua.net helbide elektronikoaren bidez euren proposamenak helaraztera animatzen dira ermuar gazte guztiak.