Ahalduntze Eskolak dozena bat prestakuntza-ekintza proposatu ditu urtea amaitu arte

Ermuko Berdintasun Arloak eta Emakumearen Topaguneak 2023ko abendura arteko denboraldi berrirako prestakuntza programazioa aurkeztu dute. Udalak, Emakumeak Ahalduntzeko Eskolaren bitartez, urte amaierarako prestakuntza- eta sentsibilizazio-jarduerari ekingo dio, hitzaldiak, tailerrak eta hainbat jarduera eginez, non feminismoak eta emakumeen eskubideak bizitzaren erdigunean jartzen dituzten.

Hainbat adar ukitzen dituen programazio berritzaile eta erakargarri batekin topo egingo dugu, hala nola artea, kultura, ondarea, garapen pertsonala, kirola, teknologia berriak, elikadura, zainketak eta kultura-aniztasuna, besteak beste.
Arloko zinegotzi eskuorde den Beatriz Gamizen hitzetan, "gai ezberdinetan genero-ikuspegitik murgiltzeko aukera bat da, adin, jatorri eta testuinguru guztietako emakumeen ahalduntzea ardatz duena".

Programazio honek feminismoentzako egun adierazgarriak aitortzeko jarduerak ditu, eta honako jardunaldi hau nabarmentzen da: "Zaintzak zentroan: oraina eta etorkizuna etxeko eta zaintzako langileen egoera soziolaboralean". Jarduera hori azaroaren 5ean egingo da, Zaintzaileen Nazioarteko Egunean.

Emakumearen aurkako Indarkeria Ezabatzeko Nazioarteko Egunean (azaroak 25), Ermuko Jabekuntza Eskolak "Palomitas de reflexiones: indarkeria matxistaz jabetzeko zineforuma" izeneko zinema zikloa aurkeztuko du.

Bi lankidetza nabarmentzen dira: alde batetik, Ermua Kirolak-ekin, "Elkarrekin korrika egitera atera", eta, bestetik, "Emakumeen ahalduntzea eta kultur aniztasuna" tailerra, immigrazio arloaren eskutik.

Izen-emateak bihar, irailak 14, hasiiko dira Emakumearen Topagunera berta joanda edo 943 17 10 30 telefono zenbakira deituz.