"Arratsaldean kontu kontari" euskarazko ipuin saioa izango da larunbat honetan

Ermuko Udal liburutegiak urteko azkenengo euskarazko ipuin kontaketa saioa antolatu du larunbat honetarako, abenduak 21, Arratsaldean kontu kontari zikloaren barnean.

Ipuin saioaren izenburua Bidaia da, eta 3 eta 8 urte arteko haurrei zuzenduta dago. Kontalaria Amaia Puin izango da.

Jarduera Lobiano Kultur Gunean izango da larunbat honetan 17:30etik aurrera. Sarrera doakoa da, baina lekuak mugatuak direnez, bertaratu ahal izateko beharrezkoa da aldez aurretik izena ematea 943 17 92 12 telefonora deituz, WhatsApp bat bidaliz (https://wa.me/34943179212) edo biblioteca@udalermua.net helbide elektronikora idatziz eta haurraren izen-abizenak eta adina adieraziz. Plazak izen-emate ordenaren arabera esleituko dira.

Etenaldiak saihesteko, puntualtasuna eskatzen da.