‘Arratsaldean kontu kontari’: ipuin kontatze saioa euskaraz

Datorren larunbatean ‘Arratsaldean kontu kontari’ izango dugu, Liburutegiak antolatutako euskarazko ipuin kontatze saioa. Saioak ‘Harri ipuinak’ izenburua du eta 3 eta 8 urte bitarteko haurrei zuzenduta dago. Amaia Puin izango da kontalaria.

Ekitaldia Lobiano Kultur Gunean izango da. Hasteko ordua 17:30ak dira eta sarrera doakoa da. Etenaldiak saihesteko, puntualtasuna eskatzen da.

Bertaratu ahal izateko, aldez aurretik lekua erreserbatu behar da. Horretarako, hainbat aukera ditugu: gaurtik bertatik, martxoak 17tik, 943 17 92 12 telefonora deitu, mezu bat bidali WhatsApp bidez (https://wa.me/34943179212) edo posta elektronikoz biblioteca@udalermua.net postontzi elektronikora. Mezu horretan haurraren izena, abizenak eta adina adierazi behar ditugu. Plazak izena emandako hurrenkeraren arabera esleitzen dira.