Auzoko bulego berriari ateak irekiko dizkio Santa Anak

Zenbait hilabetez Lobiano Kultur Gunean behin-behineko funtzionamenduan egon ondoren, Santa Ana auzoak bere auzoko bulego propioa izango du ostegun honetatik aurrera, urriak 3. Bertan, Ermuko Udalak zuzentzen duen drOp proiektuarekin zerikusia duten gaiak aztertzeko aukera izango dute bertako bizilagun guztiek.

Bulegoa Santa Ana 1 kaleko 12. zenbakian kokatzen da, eta jendearentzako arreta-zerbitzua eskainiko du astelehenetan 16:00etatik 19:00etara eta astearte eta ostegunetan 13:00etatik 15:00etara.

Kontsultarako eta parte hartzeko gune berri honen irekiera ospatzeko, urriaren 3an, osteguna, bulegoaren inaugurazio ofiziala egingo da 19:30ean. Ermuko Udalak gonbidapena luzatzen die Santa Ana, San Isidro eta San Roke auzoetako bizilagun guztiei ekitaldi honetara joan daitezen. Bertan, komunitatearentzat eskuragarri dauden instalazioak eta zerbitzuak sustatuko dira, eta gainera lunch bat eskainiko zaie parte-hartzaile guztiei.

Topaketa eta laguntza puntua

Auzo bulegoaren helburua Santa Anako komunitateari hainbat alderditan laguntzea da, auzotarrei honakoetarako aukera emanez:

• DrOp proiektuari eta haren ekimenei buruzko informazio zehatza lortzea
• Proiektuari lotutako partaidetza-prozesuetan eta erabakiak hartzeko prozesuetan parte hartzea
• Erakunde publikoek eraikinak eta etxebizitzak birgaitzeko ematen dituzten laguntzei buruz informatzea
• Laguntza horiek behar bezala izapidetzeko administrazio-laguntza jasotzea
• Eraikinak eta etxebizitzak berritzeko obrak planifikatzeko eta gauzatzeko aholkularitza teknikoa eta juridikoa lortzea
• Santa Ana auzoan eta auzotik sortzen diren ekimen sozial eta/edo kulturalen topagune izatea
• Energia-komunitateen inguruko informazioa eskaintzea: haien definizioa, sorrera eta kudeaketa

Gai horiei buruzko edozein kontsulta egiteko, auzotarrek bulegora jo dezakete aipatutako ordutegietan, edo 609 29 02 18 telefonora deitu edo oficinadebarrio@udalermua.net helbidera mezu bat idatzi.

drOp proiektua

Europako Batzordeak finantzatutako eta Ermuko Udalak koordinatutako drOp proiektuaren helburua 60ko eta 80ko hamarkaden artean eraikitako auzoak eraldatzea eta auzo moderno eta inklusibo bihurtzea da, hiri-espazioa eta herritarren bizi-kalitatea hobetuz. Santa Ana auzoa proiektu honen aitzindaria da, eta eremu honetan haren garapena sustatzeko ekintzak eta ekimenak egiten ari dira. Ekintza horien artean dago auzoko bulegoa irekitzea, Santa Anako bizilagunekin gizarte eta kultur ekimenetarako topagune gisa balio duena.

DrOp proiektuaren ardatz nagusia baterako sorkuntza da, eta horrek esan nahi du bizilagunak Santa Ana auzoa biziberritzeko prozesuaren erdigunean daudela. Orain arte, inguruko biztanleek beharrak identifikatu, konponbideak proposatu eta auzoan egin beharreko ekintzak lehenetsi dituzte. Proiektuaren helburu nagusia Santa Ana auzo adimentsuago, inklusiboago eta guztiontzako bizigarriago bihurtzea da, eta bide horretan, bulegoa elkargune bat da ekintza komunitarioak sustatzeko.

Inplikatutako pertsona guztien lanari esker, joan den astean Greencities topaketaren barruan Malagan egindako Smart City Awards sarietan saritu dute drOp proiektua, egindako berrikuntzagatik.