'La cita' eta 'La buena letra' asteko zine komertzialaren proposamenak

Ermua Antzokiak zinemako lau estreinaldi berri eskainiko ditu aste honetan. Osteguneko zineklubak emango dio hasiera programazioari. Saio honetan "Septiembre dice" Ariane Labedek zuzendutako film luze irlandarra ikusi ahal izango dugu. Ehun minutu irauten du eta bi ahizpa banaezinen istorioa kontatzen du, zeinak harreman toxikoaren mugan lotura mantentzen duten pentsamolde kontrajarriak baitituzte. Irlandako kostaldean amarekin oporretan, haietako baten sexu-esnatzeak lotura hori etengo du. Ostegunean, 20:30ean.

Zinema komertzialaren atalean, larunbatean 19:30ean eta astelehenean 20:30ean hurrenez hurren, "La cita" Chrisopher Landonek zuzendutako film luzea ikusi ahal izango dugu. Intrigazko eta beldurrezko thrillerra da. Sinopsiak zehazten duenez, Violet senarra hil zitzaion ama da, eta denbora luzez seme-alabei eskaini ondoren, urteetan lehen hitzordua izatea erabakitzen du. Honek ere, ehun minutuko iraupena du.

Asteko bigarren proposamen komertziala Celia Rico Clavellino zuzendariaren "La buena letra" film espainiarra da. Espainiako gerraostean kokatzen den drama da, 110 minutu irauten duena. Valentziako herri batean, Ana familiarekin aurrera ateratzen saiatzen da; gerra zibilak zauri sakona ireki du guztietan, batez ere bere koinatuan, Antonion. Malagako azken jaialdian epaimahaiaren aipamen bat jaso du. Larunbatean 22:00etan eta igandean 19:30ean ikusi ahal izango dugu.

Azkenik, gazte eta familiarrentzako saioan, igandean, 17:00etan, "Kayara" animaziozko zinta ikusi ahal izango dugu. Peruko ekoizpena, 90 minutu irauten duena. Inka gazte bat bezala kontatzen du, Chasqui mezularien lana maite duena, Inken Inperio zabalean zehar mezuak eramateaz arduratzen den gizon talde esklusibo honekin bat egitea amesten du.