Ermuak ‘drOp’ proiektua eta bere metodologia aurkeztu ditu Europan

Ermuko Udalak ekainaren 4tik 6ra Dublinen egin den ‘International Social Housing Festival’ (Etxebizitza Sozialen Nazioarteko Jaialdia) ekimenean parte hartu du. Ermuaren esku-hartzea Europar Batasuna babesten duen Europako Elkartearen Etxebizitza Eskuragarriaren Ekimenaren barruan kokatzen zen. Bere partehartzea ‘drOp’ proiektu europarraren azken mintegia antolatzea izan da, Ermua bertako bazkide koordinatzailea delako. Ekitaldi horretan sei kontinenteetako 20.000 pertsona baino gehiago bildu ziren, eta etxebizitza sozial, kooperatibo eta publikoaren inguruko esperientziak, ideiak eta jardunbide egokiak partekatzea izan zuten helburu. Horretarako, ‘Storytelling’ tresna erabili zen. Ermutik Josu Ansola Garapen Ekonomikoko zuzendaria eta Marta Lekue ‘drOp’ proiektuko teknikaria joan ziren.

Jaialdia ‘drOp’ proiektu europarra eta bere metodologia nazioartean ezagutarazteko aukera izan da, gure udalerriko Santa Ana auzoaren hiri-berroneratze parte-hartzailean aitzindaria. Ermua hiria berroneratzeko eredu berritzaile, parte-hartzaile eta iraunkor proiektuaren buru da, drOp. Santa Ana auzoaren eraldaketak erakusten du pertsonak prozesuaren erdigunean jartzea funtsezkoa dela benetako aldaketa iraunkorra lortzeko. Ermuan izandako esperientzia eredu da hiri-berrikuntza inklusiboa bilatzen duten Europako beste hiri batzuentzat.

Laburbilduz, jaialdiak Santa Ana auzoaren esperientzia partekatzeko aukera eman du, pertsonak ardatz dituen hiri-berroneratzear eredu gisa. Baterako sorkuntzako eta baterako diseinuko metodologia sustatzea, hiri-eraldaketarako tresna eraginkor gisa. Era berean, Europako beste hiri eta erakunde batzuekin loturak ezartzea, etorkizuneko lankidetza eta/edo proiektuetarako. Gure mugetatik haratago zabaltzeaz gain, udalerriaren lan berritzaile, parte-hartzaile eta konprometitua dugula,  herritarren bizi-kalitatea hobetzeko xedez.